आरमोरीत दुकान फोड्या तर देसाईगंजात अवैध गौण खनिज चोऱ्या..! – गौण खनिज चोरीसाठी महिन्याकाठी हप्ताच नाही तर एंट्री पासिंगसाठी पैश्याचे पाकिटे..

देसाईगंज(गडचिरोली):-जितका पॉश एरिया तितकाच अवैध धंद्यांना ऊत,हल्ली ‘जोरो-शोरोसे’ सुरू असलेले चित्र पाहता संबंधित विभागांच्या आशिर्वादानेच अवैध धंदे उदयास आल्याचे  निदर्शनास येऊ लागले आहे. अशातच मागील काही दिवसांपूर्वी गडचिरोली जिल्ह्याच्या आरमोरी शहरात चोरट्यांनी धुमाकूळ घालत दुकान फोड्या करीत हजारो ते लाखो रुपयांच्या चोऱ्या करून ‘हम नही मिलेंगे’ असे केले आहे.तर देसाईगंज शहरासह तालुक्यात गौण खनिज चोरांचा सुळसुळाट होऊन ‘हम नही छोडेंगे’ असे म्हणीत चोरांसह संबंधित विभागांच्या अधिकारी,कर्मचाऱ्यांनी ‘माल सुतावो’ अशी भूमिका घेतल्याचे निदर्शनास येऊ लागले आहे.

देसाईगंज शहरासह तालुक्यातील ग्रामीण भागात हल्ली मोठ्या प्रमाणावर गौण खनिजांच्या चोऱ्या केल्या जात आहेत.त्यामुळे शासनाच्या कोट्यवधी रुपयांना चुना लावल्या जात आहे.त्यात आणखी भर पडून काही विभागाचे अधिकारी,कर्मचारी संगनमत करून अवैध गौण खनिजाचे पकडलेले साधने पैश्याच्या हव्यासापोटी सोडून देऊ लागले आहेत.असे अधिकारी,कर्मचारी केवळ नामधारी,देखाव्यासाठी कारवाई करतांना दिसून येऊ लागल्याने इतरांना काहीच कळत नाही; असे भासवू लागले आहेत. काहींच्या मते,दिवस-रात्रो अवैध गौण खनिजांची चोरी अशीच केली जात नाही; तर काहींना अवैध चोरीचे गौण खनिज खुलेआम वाहतुकीसाठी महिन्याकाठी हप्ता दिला जातो.तर एका संबंधित विभागास एंट्री पासिंगसाठी पैश्याचे पाकिटे वाटप करण्यात येत असल्याची खात्रीशीर माहिती आहे. देसाईगंज तालुक्यातील कोंढाळा,कुरुड,आमगाव, सावंगी,कोकडी व इतर गावांतून दिवसाढवळ्या तसेच रात्री मुख्य रस्त्यांसह चोरट्या मार्गाने टीप्पर,ट्रॅक्टर व इतर गौण खनिज भरलेली वाहने धाऊ लागली आहेत. अशातच गावातील तसेच रत्यांवरून ये-जा करणाऱ्या नागरिकांना अवैध गौण खनिज भरलेली वाहने दिसू लागली आहेत; मात्र,संबंधित विभागांच्या अधिकारी, कर्मचाऱ्यांना अशी वाहने दिसूनही न दिसण्यासारखे करणे म्हणजे टेबलाच्या खालून झांगडगुत्ता करणे होय; असे म्हणणे चुकीचे ठरणार नाही.काहीजण पैश्याच्या हव्यासापोटी मुके झाल्याने अशा मुक्यांना वाचा फोडणार तरी कोण? असा प्रश्न अनेकांकडून उपस्थित केला जातो आहे.