उद्रेक न्युज वृत्त
देसाईगंज(गडचिरोली) :-देसाईगंजच्या जुनी वडसा वार्डातिल संबोधी बुद्ध विहाराच्या अतिरिक्त सभामंडपाच्या बांधकामाचे भुमिपुजन आरमोरी विधानसभा क्षेत्राचे आमदार कृष्णा गजबे यांचे हस्ते पार पडले या प्रसंगी जेष्ठ नागरिक अशोक बोदेले, परसराम राऊत,भाजपा देसाईगंज शहराध्यक्ष सचिन खरकाटे,राजरतन मेश्राम,दिपक सहारे,माजी नगर सेविका अश्विनी कांबळे,वंदना सहारे,दिलिप उके, ताजुल उके,अविनाश बोदेले,मालता राऊत,मंदा शिंपोलकर यांचेसह समाज बांधव मोठ्या संख्येने उपस्थित होते.
या प्रसंगी समाज बांधवांशी हितगुज करतांना कृष्णा गजबे म्हणाले की,जुनी वडसा येथील संबोधी बुद्ध विहारालगत सभामंडपाची मागणी बऱ्याच दिवसांपासुन होती; मात्र निवडणूक आचार संहितेमुळे या कामाला थोडा विलंब झाला.धार्मीक प्रकार्य पार पाडण्याच्या हेतुने बौद्ध विहाराला सभामंडप अत्यावश्यक असल्याने निवडनुक आचार संहिता संपताच; मी या कामाकरिता दोन टप्यात २० लक्ष रुपये निधीची तरतुद करुन दिली असुन या बांधकामामुळे बौद्ध धम्माचे सांस्कृतिक व धार्मिक प्रकार्य पार पाडण्यात निश्चितच मदत होईल,असे त्यांनी सांगितले.कंत्राटदाराने लवकरात-लवकर सदरची वास्तु दर्जेदार पद्धतिने बांधकाम करावी; निधीची कमतरता पडल्यास मी आपला सेवक म्हणून सदैव आपल्या पाठिशी उभा राहीन; अशी ग्वाही या प्रसंगी दिली.सभामंडप बंधकामाकरिता २० लक्ष रुपयाच्या निधिची तरतुद करुन दिल्या बद्दल जुनी वडसा येथील समाज बांधवांनी आमदार कृष्णा गजबे यांचे आभार मानले.
