उद्रेक न्युज वृत्त
गोंदिया :- ‘तू माझ्या मैत्रिणीशी व्हाट्सॲपवर चॅटिंग का करतोस, असे म्हणत धारदार चाकूने भोसकले. तसेच पोलिसांत तक्रार केल्यास ठार मारण्याची धमकी दिली.ही घटना तालुक्यातील चंगेरा येथे सोमवारी दिनांक-२९ रोजी घडली.रावणवाडी पोलिस ठाण्याच्या हद्दीतील चंगेरा येथील आरोपी शाहरूख रियाज खान वय २७ वर्षे याने गावातच राहणारा अशफाक सज्जाद खान वय २७ याला
सोमवारी दिनांक- २९ रोजी दुपारच्या सुमारास आपल्या घराजवळ बोलावले.दरम्यान आरोपी शाहरूखने ‘तू माझ्या मैत्रिणीसोबत मोबाइलवरून चॅटिंग करतोस,असे म्हणत त्याच्याकडे असलेला धारदार चाकूने अशफाकच्या हात आणि छातीवर वार केला.माझ्याविरोधात पोलिसांत तक्रार दिल्यास ठार मारेल,अशी धमकी देत आरोपीने पळ काढला.या घटनेत अशफाक जखमी झाला.याप्रकरणी तक्रारीवरून पोलिसांनी रावणवाडी आरोपी शाहरूखविरोधात गुन्हा दाखल केला असून अधिक तपास पोलिस हवालदार बावनथडे करीत आहे.
