माणुसकीला काळीमा फासणारी घटना… – २५ वर्षीय मनोरूग्ण महिलेवर बसस्थानकावरील प्रसाधनगृहात अत्याचार..

नागभीडमध्ये सोशल मिडीयावरून अत्याचाराचा आक्षेपार्ह व्हिडीओ आज,शुक्रवारी व्हायरल झाला होता.या प्रकरणाची माहिती नागभीड पोलीसांना मिळाली.त्यांनी तात्काळ पीडित महिलेचा शोध घेऊन तिची ओळख पटविली.त्यानंतर व्हिडीओमध्ये दिसणाऱ्या दोन आरोपींचा शोध घेण्यासाठी वेगवेगळी पथके तयार करण्यात आली.त्यानंतर आरोपींचा शोध घेऊन त्यांची चौकशी केली असता त्यांनी गुन्ह्याची कबुली दिली.१२ ऑगस्टला मध्यरात्रीच्या सुमारास २५ वर्षीय मनोरूग्ण महिलेस एकटी असल्याचे पाहुन तिला प्रसाधनगृहात नेऊन तिच्यावर एका आरोपीने अत्याचार केला तर दुसऱ्या आरोपीने त्या प्रसंगाचा व्हिडीओ तयार केला.आरोपींच्या अन्य सहकाऱ्यांनी त्या महिलेवर अत्याचार करण्यास सहकार्य केल्याची माहिती समोर येत आहे.याप्रकरणी पाच जणांना गुन्हा दाखल करून त्यांना अटक करण्यात आली आहे.

पोलीस पाच आरोपींचा कसून तपास करत आहेत. दरम्यान,या प्रकरणात योग्य चौकशी आणि कठोर कारवाईचे आश्वासन पोलीस अधिक्षकांनी दिले आहे. सोबतच हा कथित व्हिडीओ कुणालाही पाठवू नका व कारवाई ओढवून घेऊ नका; अशी ताकीदही त्यांनी दिली आहे.