उद्रेक न्युज वृत्त
गडचिरोली :-एटापल्ली तालुक्याच्या एटापल्ली-गेदा मुख्य मार्गावरील गेदा गावानजीकच्या नाल्यात बुडून शेतकऱ्याचा मृत्यू झाल्याची घटना बुधवारी सकाळी १० वाजताच्या सुमारास घडली.रमेश श्रीरंग मोगरकर वय ४५ वर्षे,रा.गेदा असे मृत शेतकऱ्याचे नाव आहे.
तालुका मुख्यालयापासून १० किमी अंतरावरील गेदा गावातील रमेश मोगरकर हे नेहमीप्रमाणे बुधवारी पहाटेला बांबूचे वास्ते आणण्यासाठी घरून बाहेर निघाले होते.बराच वेळ होऊनही घरी न परतल्याने गावातील नागरिकांनी शोधाश केली.मात्र,त्यांचा कुठेही पत्ता लागलेला नसल्याने गावातील नागरिक जंगलामध्ये गेले असता,थोड्या अंतरावर नाल्यातील झाडाला लटकलेल्या अवस्थेत ते नागरिकांना सकाळी दिसले.नागरिकांनी त्याला बाहेर काढून एटापल्लीच्या रुग्णालयात दाखल केले; मात्र,डॉक्टरांनी त्याला मृत घोषित केले.घटनास्थळी तहसीलदार हेमंत गागुंर्डे व तलाठी उसेंडी यांनी भेट दिली.
