आईने हातातून मोबाईल हिसकावल्याचा राग मनात धरून तरुणीने घेतला गळफास..

उद्रेक न्युज वृत्त

 चंद्रपूर :-वरोरा येथून जवळच असलेल्या वायगाव खडतकर येथे तरुणीने गळफास घेऊन आत्महत्या केल्याची घटना काल,गुरुवारी १८ जुलैला सायंकाळी ४ वाजताच्या सुमारास उघडकीस आली आहे. करिष्मा प्रभाकर मने वय २० वर्षे रा. वायगाव असे मृत तरुणीचे नाव आहे.ती इयत्ता बीए प्रथम वर्ष शिक्षण घेत होती.करिष्मा बराच वेळ मोबाईल बघत होती.त्यामुळे तिच्या आईने तिच्या हातातून मोबाईल हिसकावून घेतला.नंतर आई-वडील शेतामध्ये गेले. सकाळच्या गोष्टीचा राग मनात धरून तिने सायंकाळच्या सुमारास राहत्या घरी गळफास घेऊन आत्महत्या केली.घटनेची माहिती शेगाव पोलिसांना मिळताच पोलिस घटनास्थळी दाखल झाले. पोलिसांनी मृतदेह पंचनामा करून शवविच्छेदनासाठी वरोरा उपजिल्हा रुग्णालयात पाठविला.पुढील तपास ठाणेदार योगेंद्रसिंग यादव यांच्या मार्गदर्शनात पीएसआय महादेव सुरजूसे करित आहे.