उद्रेक न्युज वृत्त
देसाईगंज(गडचिरोली) :-नागपूरहून लग्न समारंभ आटोपून परत येत असताना ट्रक आणि कार यांच्यात जोरदार धडक झाल्याने दोन जण ठार,तर तिघेजण जखमी झाले असल्याची घटना,मागील आठवड्याच्या बुधवारी,दिनांक-१० जुलै रोजी पहाटे ५ वाजेच्या सुमारास नागभिड-ब्रम्हपुरी मार्गावरील पोद्दार इंटरनॅशनल स्कूलजवळ घडली होती.सदर झालेल्या अपघातात दिलीप परसवाणी वय ५५ वर्षे व महेक जितेंद्र परसवाणी वय ४२ वर्षे,दोघेही रा.देसाईगंज,जि. गडचिरोली यांचा जागीच मृत्यू झाला होता.झालेल्या अपघातात जितेंद्र(जितू)परसवाणी वय ४५ वर्षे आणि त्यांची दोन मुले गौरव परसवाणी वय १७ वर्षे व उदय परसवाणी वय १० वर्षे हे गंभीर जखमी झाले होते.
जखमी झालेल्या तिघांनाही ब्रम्हपुरी येथील खासगी रुग्णालयात भरती करण्यात आले होते. मात्र,जितेंद्र(जितू) परसवाणी यांची प्रकृती गंभीर असल्याने त्यांना नागपूरला हलविण्यात आले होते. गेल्या आठ दिवसांपासून नागपूरच्या खाजगी रुग्णालयात जितेंद्र परसवाणी यांच्यावर उपचार सुरू होते.उपचार सुरू असताना काल,बुधवारच्या रात्री १७ जुलै ला त्यांची प्रकृती खालावली व अखेर परसवाणी यांची प्राणज्योत मावळली.
जितेंद्र परसवाणी हे देसाईगंज येथील ‘देसाईगंज समाचार’ साप्ताहिक पेपरचे संचालक तसेच देसाईगंज समाचार पोर्टलचे मालक होते.
