उद्रेक न्युज वृत्त
गडचिरोली :- जिल्ह्यात काल,बुधवारी सर्वत्र मुसळधार पावसाने हजेरी लावली होती.संपूर्ण आकाश पांढरे शुभ्र होऊन अंधकारमय होऊन धो-धो पाऊस सर्वत्र बरसात होता.अशातच सकाळच्या सुमारास शेतावर कामासाठी गेलेल्या ५ व्यक्तींना पुराने वेढा घातला व पूर सदृश्य परिस्थिती झाल्याने नदी व नाल्याचे मध्ये अडकले असल्याची माहिती गडचिरोली तहसील कार्यालयाद्वारे जिल्हा आपत्ती व्यवस्थापन नियंत्रण कक्षामध्ये देण्यात आली.बचाव पथकांनी तातडीने बोटच्या सहाय्याने सर्व अडकलेल्या व्यक्तींना सायंकाळच्या सुमारास सुरक्षित नाल्याचे पाण्याबाहेर काढून बचाव करण्यात आला.नाल्याच्या पुरामध्ये अडकलेले प्रमोद श्रावण बोबाटे वय ३८ वर्षे रा.गुरवळा,शेखर उईके वय ४८ वर्षे रा.गडचिरोली,सतिश चुधरी वय ३८ वर्षे रा.विहीरगाव, संजय बोरकुटे वय ४५ वर्षे रा.विहीरगाव,कुणाल बर्डे वय २१ वर्षे रा.लेखामेंढा यांचा जिल्हा आपत्ती व्यवस्थापन बचाव पथकाद्वारे सुरक्षित बचाव करण्यात आला.
