कोंढाळा नजीक टाईल्स घेऊन जाणारा ट्रक पलटी…

उद्रेक न्युज वृत्त 

कोंढाळा(देसाईगंज) :-हैदराबाद येथून देवरी ला निघालेला ट्रक कोंढाळा गावाजवळ पलटी झाल्याची घटना आज,दिनांक-११ जुलै रोजी सकाळी १० च्या सुमारास घडली.ट्रक मध्ये वाहन चालकाने प्रसंगावधान साधल्याने जीवितहानी टळली.मात्र,ट्रक मधील टाईल्सचे नुकसान झाले आहे.

प्राप्त माहितीनुसार,हैदराबादहून गडचिरोली मार्गे आरमोरी-देसाईगंज राष्ट्रीय मार्गावरील कोंढाळा गावा पासून देसाईगंज मार्गे ५०० मीटर अंतरावर समोरून येणाऱ्या वाहनाला बाजू देताना रस्त्याच्या कडेला ट्रक पलटी झाला.ट्रक पलटी होताच वाहन चालकाने आरडा-ओरड केली.ओरड करताच मार्गावरून येणाऱ्या-जाणाऱ्या नागरिकांनी ट्रकच्या केबिनमध्ये फसलेल्या वाहन चालकास  सुखरूप बाहेर काढले.ट्रकमध्ये वाहन चालका व्यतिरिक कुणीही नसल्याने जीवितहानी टळली.मात्र,ट्रकमधील टाईल्सचे नुकसान झाले आहे.

.