उद्रेक न्युज वृत्त
कोंढाळा(देसाईगंज) :- जागतिक योग दिनाचे औचित्य साधून आज,दिनांक -२१ जून रोजी सकाळी आठ वाजेच्या सुमारास देसाईगंज तालुक्याच्या कोंढाळा येथील ग्रामपंचायत आवारात ‘जागतिक योग दिन’ मोठ्या उत्साहात साजरा करण्यात आला.
कोंढाळा येथील ग्रामपंचायत आवारात आज सकाळी योग शिक्षक प्रभाकर गडपायले यांनी दररोज योगा केल्याने शरीरावर सकारात्मक परिणाम होतो.शरीर आणि मन शांत करण्यासाठी योगा खूप फायदेशीर मानला जातो.योगा केल्याने शरीराला ऊर्जा मिळते,स्नायूंची ताकद वाढते.तसेच यामुळे श्वसन,ऊर्जा आणि चैतन्य सुधारते.२१ जून रोजीचा दिवस जगभरातील अनेक देशांमध्ये सर्वात मोठा दिवस असतो.त्यामुळे त्याला विशेष महत्त्व आहे.म्हणून हा दिवस ‘आंतरराष्ट्रीय योग दिन’ म्हणून सर्वत्र मोठ्या जय्यत तयारीनिशी साजरा करण्यात येतो.त्यामुळे ‘करा योग राहा निरोग’ असे योगा प्रसंगी सांगितल्या गेले व विविध प्रकारचे योगा करून जागतिक योग दिन साजरा करण्यात आला.
योग दिन प्रसंगी ग्रामपंचायत सरपंचा अपर्णा नितीन राऊत,योग शिक्षक प्रभाकर गडपायले,जी.प.शाळेचे शिक्षक योगेश ढोरे सर, गावातील पोलीस पाटील किरणताई कुंभलवार,आरोग्यवर्धिनी उपकेंद्रचे कुथे मॅडम,ग्रामपंचायत कर्मचारी प्रदीप तुपट,अजय भर्रे, माजी सरपंचा मंगला शेंडे,अनिता शेंडे,अंगणवाडी सेविका, मदतनीस,गावातील आशा वर्कर,आरोग्य उपकेंद्राचे कर्मचारी तसेच गावातील नागरिक उपस्थित होते.
