उद्रेक न्युज वृत्त
गडचिरोली :- गडचिरोली-चिमूर (अ.ज.)लोकसभा मतदार संघ सार्वत्रिक निवडणुकी करिता मतदान १९ एप्रिल रोजी व मतमोजणी ४ जून रोजी आहे.सदर निवडणूक खुल्या व निर्भय वातावरणात पार पाडण्यासाठी जिल्हादंडाधिकारी संजय दैने यांनी फौजदारी प्रक्रिया संहिता १९७३ चे कलम १४४ लागू केले आहे.मतदान आणि मतमोजणी केंद्राच्या परिसरात प्रवेश करताना पाच पेक्षा जास्त व्यक्ती (संबंधित अधिकारी व कर्मचारी वगळून) एकत्रितरित्या प्रवेश करणार नाहीत.कोणत्याही प्रकारच्या घोषणा देता येणार नाहीत.मतदान व मतमोजणी केंद्राचे परिसरात उमेदवार,त्यांचे प्रतिनिधी अथवा अन्य व्यक्तीकडून शांततेस बाधा निर्माण होईल; असे कृत्य करता येणार नाही.मतदान व मतमोजणी केंद्राचे परिसरात मोबाईल फोन घेऊन प्रवेश करण्यास व निषिध्द वस्तू बाळगण्यास मनाई असेल. मतदान आणि मतमोजणी सुरळीतपणे व शांततेच्या वातावरणामध्ये पार पाडण्यासाठी कोणतीही बाधा उत्पन्न करता येणार नाही.मतदान व मतमोजणी केंद्रावर कोणत्याही अनाधिकृत व्यक्तीस / वाहनास प्रवेशास मनाई राहिल.मतदान / संबंधित मतदान केंद्रावर १९ एप्रिल रोजी सकाळी ७ ते ३ वाजता पर्यंत,मतमोजणी / मतमोजणीचे ठिकाणी ४ जून रोजी सकाळी ७ ते निकाल घोषित करेपर्यंत आदेशाचा अंमल राहील; असे जिल्हादंडाधिकारी, गडचिरोली संजय दैने यांनी कळविले आहे.
