देसाईगंज पोलिसांची मोठी कामगिरी; हरविलेले २५ मोबाईल मूळ मालकांना परत..

देसाईगंज(गडचिरोली):-एकदा कां मोबाईल हरवला, तर तो परत मिळण्याची शाश्वती कमीच असते.मात्र, अत्याधुनिक तंत्रज्ञानाचा प्रभावी वापर व नागरिकांच्या तक्रारींना त्वरित प्रतिसाद देत देसाईगंज पोलिसांनी तालुक्यातील नागरिकांच्या हरविलेल्या तब्बल २५ मोबाईलचा शोध घेऊन आज,बुधवार ९ सप्टेंबर रोजी मूळ मालकांना परत केले.विशेष म्हणजे,मोबाईलमध्ये नागरिकांची वैयक्तिक माहिती,बँकिंग व्यवहार,कागदपत्रे आणि महत्त्वाचा डेटा साठवलेला असतो.त्यामुळे मोबाईल हरविल्यानंतर नागरिकांमध्ये चिंतेचे वातावरण  होते.अशावेळी देसाईगंज पोलिसांनी दाखविलेल्या तत्परतेमुळे संबंधित मोबाईल धारकांना मोठा दिलासा मिळाला आहे.