सट्टा-पट्टीचे आकडे घेणारा ताब्यात..!

ब्रम्हपुरी(चंद्रपूर):-ब्रम्हपुरी स्थानिक गुन्हे शाखेच्या पथकाने अवैधरीत्या सट्टा-पट्टीचे आकडे घेणाऱ्यास ताब्यात घेत त्याच्याकडून २ हजार १५० रुपयांची रोख,सट्टा-पट्टीचे आकडे लिहिलेली चिठ्ठी,बॉलपेन व रायटिंग पॅड असा एकूण २ हजार २१० रुपयांचा मुद्देमाल जप्त केला.प्रकरणी देवेंद्र पंढरी रंगारी वय ४० वर्षे, रा.जुनी आंबेडकर शाळेजवळ,ब्रम्हपुरी यांस ताब्यात घेत चौकशी केली असता त्याने मनोज उर्फ मुन्ना रामटेके याच्या सांगण्यावरून सट्टा-पट्टीचे आकडे घेत असल्याचे पोलिसांना सांगितल्याने या प्रकरणी रंगारी व रामटेके या दोघांविरोधात ब्रम्हपुरी पोलीस ठाण्यात गुन्हा दाखल करण्यात आला आहे.

ब्रम्हपुरी शहरातील अवैध धंद्यांविरोधात स्थानिक गुन्हे शाखेचे पोलिस कर्मचारी जयंत चुनारकर यांचे पथक दोन दिवसांपूर्वी परिसरात पेट्रोलिंग करीत असतांना शहराच्या कुर्झा टी-पॉईंट परिसरातील पानटपरीजवळ एक व्यक्ती सट्टापट्टीचे आकडे घेत असल्याची माहिती मिळाली. माहिती मिळताच पथकाने पंचांना सोबत घेऊन घटनास्थळी छापा टाकला असता देवेंद्र रंगारी हा चिठ्यांवर सट्टापट्टीचे आकडे लिहितांना आढळून आला. त्यानंतर त्यास ताब्यात घेण्यात आले व पुढील कारवाई करण्यात आली.