उद्याला कोंढाळा येथे “सांज चिमुकल्या पाखरांची”..

कोंढाळा(गडचिरोली):-देसाईगंज तालुक्याच्या कोंढाळा येथील पीएम श्री जिल्हा परिषद उच्च प्राथमिक शाळेच्या वतीने दरवर्षीप्रमाणे यंदाही प्रजासत्ताक दिनाचे औचित्य साधून शाळेतील चिमुकल्या बालकांच्या सुप्त कलागुणांच्या प्रदर्शनासाठी उद्या,सोमवार २६ जानेवारी रोजी सायंकाळी ७ वाजेच्या सुमारास “सांज चिमुकल्या पाखरांची” या सांस्कृतिक कार्यक्रमाचे आयोजन शाळेच्या आवारात करण्यात आले आहे.

उद्या सोमवारी भारताचा ७७ वा प्रजासत्ताक दिन संपूर्ण देशभर मोठ्या उत्साहात साजरा करण्यात येणार आहे. तत्पूर्वी गेल्या आठवडाभरापासून सर्वत्र प्रजासत्ताक दिनाची जय्यत तयारी करण्यात आली आहे.अश्यातच कोंढाळा येथील पीएम श्री जिल्हा परिषद उच्च प्राथमिक शाळेत उद्याला सकाळी ७.३० वाजता ध्वजारोहणाचा कार्यक्रम,तर सायंकाळी सात वाजे सांस्कृतिक कार्यक्रमाचे आयोजन करण्यात आले असून सदर कार्यक्रमास ग्रामस्थांनी उपस्थिती दर्शवून शाळेतील चिमुकल्यांचे मनोबल दृढ करावे,असे शाळा व्यवस्थापन समितीचे अध्यक्ष,सदस्य,शाळेचे मुख्याध्यापक तथा समस्त शिक्षकवृंदांनी कळविले आहे.