ब्रम्हपुरीच्या डिस्टिलेशन प्लांटला भीषण आग..

चंद्रपूर :-सव्वा लाख लिटर इथेनॉलचा साठा असलेल्या चंद्रपूर जिल्ह्याच्या ब्रम्हपुरी परिसरातील रामदेव बाबा सॉलवंट कंपनीच्या डिस्टिलेशन प्लांटला आज,बुधवार १९ नोव्हेंबरच्या सायंकाळी अचानक भीषण आग लागल्याची घटना घडली.आगीने रौद्ररूप धारण केल्याने अनेकांची तारांबळ उडाली.डिस्टिलेशन प्लांटमध्ये लागलेली आग आटोक्यात आणण्यासाठी बऱ्याच तासांपासून शर्थीचे प्रयत्न सुरू आहेत.अश्यातच सावधगिरीचा उपाय म्हणून नागरीकांची वर्दळ बंद करण्यात आली आहे.आग आणि धुराचे मोठे लोट तसेच उंच उसळणाऱ्या ज्वालांमुळे भीतीचे वातावरण निर्माण झाले आहे.आग कश्यामुळे लागली अद्याप स्पष्ट झाले नाही.घटनास्थळावरील स्थितीवर प्रशासन बारकाईने लक्ष घालून आहे.सध्याच्या घडीला जीवितहानी झालेली नसून आग आटोक्यात आणण्यासाठी ब्रम्हपुरी,नागभीड, सिंदेवाही व मूल येथील अग्निशमन दल घटनास्थळी दाखल झाले आहेत.त्याचबरोबर गडचिरोली जिल्ह्यातील दोन फायर ब्रिगेड तसेच देसाईगंज येथील पथकानेही तातडीने मदतकार्य सुरू केले आहे.तसेच चंद्रपूर महानगरपालिकेच्या दोन फायर टेंडर फोम सोल्यूशनसह घटनास्थळी रवाना करण्यात आले आहेत.