विना परवाना वैनगंगा नदीतून रेतीची चोरी.. – आठ ट्रॅक्टरसह आठ आरोपींवर महसूल विभागाची धडक कारवाई..

गोंदिया :- ‘रेती चोरीचा मामला अन् हळूवार बोंबला’ करणाऱ्या आठ रेती तस्करांच्या मुसक्या आवळण्यात  तिरोडा महसूल प्रशासनास यश आले आहे.कारवाईत आठ ट्रॅक्टरसह आठ ब्रास रेती व आठ आरोपींना पकडण्यात आले असून आठही ट्रॅक्टर तहसील कार्यालयात जमा करण्यात आले आहेत.सदरची कारवाई तहसीलदार एम.एम.ठाकरे यांच्या  मार्गदर्शनात नायब तहसीलदार ए.पी.मोहनकर,मंडळ अधिकारी राजेश तांबुलकर,ग्राम महसूल अधिकारी अजय बिसेन,बी.के.पारधी यांनी केली आहे.

१.छोटू पटले रा.तिरोडा,२.विपिन रामेश्वर मिश्रा व चालक जयेंद्र मिश्रा रा.तिरोडा,३.रामकुमार रामेश्वर देशमुख रा.तिरोडा,४.गोरक्षनाथ हेमराज राणा रा. तिरोडा,५.शुभम अशोक सातपुते रा.अर्जुनी,६.नीलेश रविकांत चिचघरे रा.अर्जुनी,७.महेंद्र रामसिंग ठाकूर रा. अर्जुनी,८.महेंद्र देवीलाल चौधरी रा.अर्जुनी.

अवैधरीत्या विना परवाना वैनगंगा नदीतून रेतीची चोरी होत असल्याची गुपित माहिती तिरोडा महसूल प्रशासनास प्राप्त होताच त्यांनी घटनास्थळी दाखल होत वाहतूक पासची तपासणी केली असता वरील एकाही आरोपींकडे वाहतूक पास(रॉयल्टी) आढळून आली नाही.प्रकरणी आठ ब्रास रेती सह लाखो रुपयांचे ट्रॅक्टर व ट्रॉली जप्त करण्यात आले.