चक्क उपजिल्हाधिकारी अडकला एसिबीच्या जाळ्यात.. – घराच्या झाडाझडतीत सापडले मोठे घबाड; ५९ तोळे सोने,१३ लाख रुपये रोकडसह ६७ लाखांचा ऐवज जप्त..

छत्रपती संभाजीनगर :-पूर्वीचे औरंगाबाद व आताचे छत्रपती संभाजीनगर नावाने उदयास आलेल्या जिल्ह्यात चक्क उपजिल्हाधिकारीच लाच लुचपत प्रतिबंधक विभागाच्या जाळ्यात अडकल्याची घटना काल,मंगळवार २७ मे रोजी दुपारच्या सुमारास जिल्हा कचेरीसमोर घडली.निवासी उपजिल्हाधिकारी विनोद खिरोळकर यांनी तक्रारदाराकडे ४१ लाख रुपयांच्या लाचेची मागणी केली होती.यातील पहिल्या टप्प्यातील २३ लाख रुपये संबधित तक्रारदाराकडून आधीच घेतले होते.त्यानंतर दुसऱ्या टप्प्यात १८ लाखांची पुन्हा मागणी करण्यात आली.अश्यातच दुसऱ्या टप्प्यातील १८ लाखापैकी ५ लाख रुपयांची लाच अव्वल कारकुन दिलीप त्रिभुवन मार्फत घेण्यात येत असतांनाच लाचलुचपत प्रतिबंधक विभागाने रंगेहाथ पकडुन उपजिल्हाधिकाऱ्यांना ताब्यात घेतले.त्यानंतर एसीबीने लाचखोर उपजिल्हाधिकारी विनोद खिरोळकरच्या घरी धाड टाकली असता मोठे घबाड सापडले आहे.लाचलुचपत प्रतिबंधक विभागाने विनोद खिरोळकर यांच्या घरातून तब्बल १३ लाख ६ हजार ३८० रुपयांची रोकड,५० लाख ९९ हजार ५८३ रुपयांचे ५८९ ग्रॅम म्हणजेच ५९ तोळे सोन्याचे दागिने, तसेच ३ लाख ३९ हजार ३४५ रुपय किंमतीचे ३ किलो ५५३ ग्रॅम वजनाचे चांदीचे दागिने,यांसह इतर काही मौल्यवान वस्तू आणि रोख रक्कम असा एकूण ६७ लाख ४५ हजार ३०८ रुपयांचा ऐवज जप्त केला आहे.