अखेर तात्पुरते स्थगित झालेले आयपीएलचे सामने आजपासून सुरू; पहा वेळापत्रक..

उद्रेक न्युज वृत्त :-भारत-पाकिस्तान यांच्यातील तणावपूर्ण स्थितीमुळे आयपीएल २०२५ अनिश्चित कालावधीसाठी पुढे ढकलण्यात आले होते. आयपीएलचा अंतिम सामना २५ मे रोजी कोलकाता येथे होणार होता,परंतु देशातील युद्धजन्य परिस्थितीमुळे तो रद्द करण्यात आला.देशात युद्ध सुरू असतांना आपण क्रिकेट खेळत राहणे चांगले वाटत नाही.याचा अर्थ असा की,देशाची सुरक्षा खेळांपेक्षा जास्त महत्त्वाची आहे.लखनौ सुपर जायंट्स आणि रॉयल चॅलेंजर्स बंगळुरू यांच्यातील सामना शुक्रवार ९ मे रोजी एकाना स्टेडियमवर होणार होता.पण आता तोही रद्द करण्यात आला.८ मे रोजी पंजाब किंगज आणि दिल्ली कॅपिटल्स यांच्यातील  होणारा आयपीएल सामनाही सुरक्षेच्या कारणास्तव रद्द करण्यात आला होता.अश्यातच आता बीसीसीआय कडून नवीन वेळापत्रक जाहीर करण्यात आले आहे.त्यानुसार आज,शनिवार १७ मे पासून आयपीएल सामने सुरू करण्यात आले आहेत.आज शनिवारी बंगळुरु विरुद्ध कोलकाता यांच्यात सुरू झाला.

आयपीएलचे एकूण १७ सामने बाकी असून यात १३ साखळी फेरीतील सामने,तर ४ प्लेऑफचे सामने आणि अंतिम सामन्याचा समावेश आहे.नव्या वेळापत्रकानुसार २७ मे पर्यंत साखळी सामने होणार असून त्यानंतर प्लेऑफच्या सामन्यांना सुरुवात होणार आहे.तर ३ जून रोजी आयपीएलचा अंतिम सामना होणार आहे.