युवक काँग्रेसमध्ये वादळ..! आंदोलनाला दांडी; ६० पदाधिकारी तडकाफडकी कार्यमुक्त..

नागपूर :-युवक काँग्रेसतर्फे आयोजित संघ मुख्यालयाला घेराव घालण्याच्या आंदोलनाला दांडी मारल्याचे कारण देत प्रदेश युवक काँग्रेसने ६० पदाधिकाऱ्यांना तडकाफडकी कार्यमुक्त केले आहे. कारवाई झालेल्यांमध्ये उपाध्यक्ष तनवीर विद्रोही, महासचिव शिवानी वडेट्टीवार,केतन ठाकरे,आदींचा समावेश आहे.या कारवाईमुळे युवक काँग्रेसमध्ये वादळ उठले असून,प्रदेशाध्यक्ष कुणाल राऊत यांच्या विरोधात मोर्चा उघडला जाण्याची चिन्हे आहेत.

सरसंघचालक मोहन भागवत यांच्या वक्तव्याचा निषेध करण्यासाठी युवक काँग्रेसने रविवारी अचानक आंदोलन पुकारले.या आंदोलनात युवक काँग्रेसचे राष्ट्रीय अध्यक्ष उदयभानू चिब,युवक काँग्रेसचे प्रदेशाध्यक्ष कुणाल राऊत यांच्यासह काही कार्यकर्ते सहभागी झाले.मात्र,आंदोलनात ५० पेक्षा कमी कार्यकर्ते सहभागी झाले बहुतांश पदाधिकारी प्रमुया या आंदोलनात सहभागीच झाले नाहीत.युवक काँग्रेसचे पदाधिकारी जेव्हा देवडिया काँग्रेस भवनाकडून निघाले तेव्हा पोलिसांनी काही अंतरावरच त्यांना रोखले.ज्या अपेक्षेने हे आंदोलन पुकारण्यात आले होते तसा माहोल युवक काँग्रेसला तयार करता आला नव्हता.या सर्व घटनाक्रमाची प्रभारी श्रनिवास नालमवार यांनी दखल घेतली.

अपर्णा राऊत,आकाश गुजर,पंकज सावरकर,डॉ.प्रणित जांभुळे, आमिर शेख,अनुराग भोयर,डॉ.मेघा सावसाकडे, सचिव सईश वारजूरकर,मिथिलेश कन्हेरे,फिरोज शेख, अक्षय हेटे,शुभम गिरडकर,तौसिफ अहमद,मंगेश डाखोळे,रौनक चौधरी,संदीप जैन,केतन रेवतकर,

स्नेहा सातपुते,सुमित भालेकर आदींचा समावेश आहे.