दुचाकी स्वाराचा भीषण अपघात; ३२ वर्षीय दुचाकीस्वाराचे मुंडके धडापासून वेगळे..

गोंदिया :-देवरी-चिचगड मार्गावर झालेल्या अपघातात दुचाकीस्वाराचे मुंडके धडापासून वेगळे झाले असल्याची घटना काल,सोमवारी ६ जानेवारीला सायंकाळी ६ वाजताच्या सुमारास सालई गावाजवळ  घडली. दरम्यान,अपघातात दुचाकीस्वाराचे मुंडके धडापासून वेगळे झाल्याने हा अपघात की घातपात अशी शंका व्यक्त केली जात आहे.निकेश आत्माराम कराडे वय ३२ वर्षे रा.मोहगाव,ता.देवरी असे अपघातात ठार झालेल्या दुचाकीस्वाराचे नाव आहे.

माहितीनुसार,निकेश हा काल सोमवारी सायंकाळी ६ वाजताच्या सुमारास त्याच्या दुचाकी क्रमांक-एमएच ३५ एव्ही २९६८ ने देवरीवरून आपल्या गावाकडे जात होता.दरम्यान,सालईजवळ त्याच्या दुचाकीला अपघात झाला.या अपघातात निकेशचे मुंडके धडापासून वेगळे झाले होते.त्यामुळे हा अपघात की घातपात अशी शंका व्यक्त केली जात आहे.या घटनेची माहिती मिळताच देवरी पोलिसांनी घटनास्थळ गाठून तपासाला सुरुवात केली.अपघात घडला त्या मार्गावरून अपघाताच्या काही वेळापूर्वी एक ट्रॅक्टर टिनाचे पत्रे आणि लोखंडी सळाखी घेऊन जात होता असे या मार्गावरून जाणाऱ्या वाहन चालकांनी देवरी पोलिसांना सांगितले.या माहितीवरून आणि सीसीटीव्ही कॅमरेच्या फुटेजवरून पोलिसांनी त्या ट्रॅक्टरचा शोध घेण्यास सुरुवात केली आहे.याप्रकरणी देवरी पोलिसांनी गुन्हा नोंद केला आहे.