सात लाखाचे बक्षीस असलेल्या २७ वर्षीय नक्षलीचे आत्मसमर्पण…

देवा ऊर्फ अर्जुन याचे मुळ गाव बिजापूर जिल्ह्यातील अतिनक्षल प्रभावित भागात आहे.त्यामुळे गावात नक्षल्यांचा जत्था गावात बस्तान करायचा.त्यामुळे लहानपणापासूनच तो नक्षल चळवळीत सहभागी होऊन बाल संघटनमध्ये काम करीत होता.२०१४ मध्ये तो पामेड दलममध्ये (दक्षीण बस्तर) भरती झाला व शस्त्र हातात घेतले.पामेड दलममध्ये ६ महिने काम केल्यानंतर २०१४ च्या अखेरीस त्याने अबुझमाड परिसरात अडीच महिन्याचे प्रशिक्षण घेतले.ते पूर्ण केल्यानंतर त्याला २०१५ मध्ये माओवाद्यांचे बस्तर भागातून महाराष्ट्र-मध्यप्रदेश-छत्तीसगड झोनमध्ये पाठवले.सुरुवातीला त्याने दलम सदस्य म्हणून २०१५ ते १६ पर्यंत तांडा दलम व २०१६ ते १७ पर्यंत मलाजखंड दलम मध्ये काम केले.विविध भागात मोठ्या प्रमाणावर रात्रंदिवस त्रासदायक कामे करावी लागत असल्याने जिल्हाधिकारी व पोलिसांपुढे आत्मसमर्पण केले.