कवियत्री संगीता रामटेके यांना अष्टपैलू राज्यस्तरीय साहित्यरत्न पुरस्कार जाहीर..

गडचिरोली :-गडचिरोलीच्या सामाजिक कार्यकर्त्या तथा कवियत्री संगीता रामटेके (पाटील) यांना नुकताच अष्टपैलू राज्यस्तरीय साहित्यरत्न पुरस्कार जाहीर करण्यात आला असून त्यांना येत्या रविवार २९ डिसेंबरला पुणे येथील आळंदी येथे होणाऱ्या भव्य सत्कार समारंभात संस्थेचे अध्यक्ष शिवाजी खैरे

तसेच आंतरराष्ट्रीय दर्जाचे साहित्यिक मधुसूदन घाणेकर तथा प्रतिष्ठित मान्यवरांचे हस्ते अष्टपैलू राज्यस्तरीय साहित्यरत्न पुरस्काराने सम्मानित करण्यात येणार आहे.

अष्टपैलू सांस्कृतिक कला अकादमी मुंबई तर्फे अक्षर मंच राज्य स्तरीय खुली काव्यलेखन स्पर्धा दर महिन्याला घेण्यात येते.स्पर्धेमध्ये वेगवेगळ्या विषयांवर खंड न पडता कविता सादर करावयाची असते.यात ऑनलाईन काव्य स्पर्धा घेण्यात येते. संगीता रामटेके यांनी सदर काव्य स्पर्धेत निरंतर चार वर्षे काव्य लेखन केले. त्यानुसार यंदाच्या काव्य लेखन स्पर्धेत त्या उत्कृष्ट स्पर्धक ठरीत त्यांना अष्टपैलू राज्यस्तरीय साहित्यरत्न पुरस्काराने सम्मानित करण्यात येणार आहे.