उद्याला नागपुरात मंत्रिमंडळाचा शपथविधी… – तिन्ही पक्षाच्या इच्छुकांची धाकधुक वाढली..

राज्याच्या राजकीय ईतिहासात नागपूरमध्ये मंत्रिमंडळाचा शपथविधी होण्याची ही दुसरी वेळ आहे.यापूर्वी २२ डिसेंबर १९९१ रोजी छगन भुजबळ यांच्यासह वसुधा देशमुख,भरत बाहेकर,डॉ.राजेंद्र गोडे,जयदत्त क्षीरसागर यांनी मंत्री म्हणून शपथ घेतली होती.शपथविधीसाठी उपराजधानीच्या राजभवन परिसरात भव्य व्यासपीठ व शामियाना उभारण्याचे काम युद्ध पातळीवर सुरू झाले आहे.बहुतांश संभाव्य मंत्री व सदस्य उद्या रविवारी येण्याची शक्यता आहे.कुणाला संधी मिळेल हे स्पष्ट झाले नसल्याने सर्वच सदस्य उद्याला सकाळपर्यंत उपराजधानीत दाखल होणार असल्याचा अंदाज आहे.नेमका किती मंत्र्यांचा शपथविधी होणार,हे उद्यालाच कळणार आहे.