देसाईगंज न्यायालयातील राष्ट्रीय लोक अदालतीमध्ये ४६ प्रकरणे निकाली.. – विविध प्रकरणात ३ लाखाच्यावर दंड वसूल..

देसाईगंज(गडचिरोली):-न्यायालयात वेळ व पैश्याची बचत व्हावी तसेच गोर-गरीब तथा सर्वसामान्य नागरिकांना विविध प्रकरणातील वाद सलोख्याने वा सामोपचाराने मिटविता यावीत; यासाठी राज्य विधी सेवा प्राधिकरण मुंबई तसेच जिल्हा विधी सेवा प्राधिकरण गडचिरोली यांच्या आदेशान्वये आज,शनिवार १४ डिसेंबरला सकाळी १०.३० वाजताच्या सुमारास तालुका विधी सेवा समिती देसाईगंज न्यायालया अंतर्गत खटला पुर्व प्री लिटीगेशन प्रकरणे,नियमित दिवाणी व फौजदारी प्रकरणे निकाली काढण्यात आली.यात ४६ प्रकरणे निकाली काढण्यात आली असून अर्जदार व गैरअर्जदार यांच्यातील वाद समोपचार व सलोख्याने मिटविण्यासाठी आज तालुका दिवाणी न्यायाधिश, कनिष्ठ स्तर देसाईगंज (वडसा)येथिल मध्यस्थी केंद्रात राष्ट्रीय लोक अदालतीचे आयोजन करण्यात आले होते.या राष्ट्रीय लोक अदालतीमध्ये प्री लिटीगेशनच्या ८ तर नियमित फौजदारी खटला तसेच दिवाणी प्रकरणाचे ३८ प्रकरणे असे एकुण ४६ प्रकरणांचा समोपचार व सलोख्याने निकाली काढण्यात आले. यात ३ लाख ९ हजार ७७६ रुपये वसूल करण्यात आले.सदर राष्ट्रीय लोक अदालतीला दिवाणी व फौजदारी न्यायालय देसाईगंजचे न्यायाधिश सतीश गोरे,पॅनल अधिवक्ता म्हणून ॲड.दत्ता पिलारे, ॲड.संजय गुरू व अन्य सामाजिक कार्यकर्ते प्रामुख्याने उपस्थित होते.

सदर राष्ट्रीय लोकअदालतीच्या यशस्वीतेसाठी देसाईगंज न्यायालयातील वरिष्ठ लिपिक चेतन भुर्रे,कनिष्ठ लिपीक प्रविण माटे,कनिष्ठ लिपीक मिलींद तिलमलवार,कनिष्ठ लिपीक सौ.आर आर परसा, शिपाई एस.एल.दोनाडकर यांनी सहकार्य केले.

या राष्ट्रीय लोकअदालतीमध्ये विदर्भ कोकण ग्रामीण बँक शाखा देसाईगंज,स्टेट बँक ऑफ इंडिया शाखा देसाईगंज व शंकरपुर,बँक ऑफ इंडीया शाखा देसाईगंज,युनियन बँक ऑफ इंडीया शाखा देसाईगंज, आयडीबिआय बँक शाखा देसाईगंज,कुरुड,सावंगी, संस्कार को-ऑपरेटीव्ह बँक शाखा देसाईगंज, गृहलक्ष्मी को-ऑपरेटीव्ह बँक शाखा देसाईगंज व महाराष्ट्र राज्य विद्युत वितरण कंपनी उपविभागीय कार्यालय देसाईगंज यांच्या सह अर्जदार व गैरअर्जदार मोठ्या संख्येने उपस्थित होते.