बस चालकाच्या छातीवर बसून वाहन परीक्षक अधिकाऱ्याने केली मारहाण…

भंडारा जिल्ह्यातील परिवहन महामंडळाच्या साकोली आगारातील पंकज काटनकर असे चालकाचे नाव असून मारहाण करणारे प्रदीप करंजेकर असे अधिकाऱ्याचे नाव आहे.करंजेकर हे वाहन परीक्षक आहेत.चालक व वाहन परीक्षक यांच्यातील वाद व मारहाणीचा हा संपूर्ण प्रकार साकोली बस स्थानकाच्या प्रवेशद्वारावर घडला.बस फेरीवर चालकाच्या कर्तव्याची कामगिरी क्रमानुसार लावण्याच्या मुद्द्यावरून वाद निर्माण झाला होता.या प्रकरणाबद्दल अद्याप कुणीही पोलिसात तक्रार दाखल केलेली नाही.

बस चालकाच्या छातीवर बसून त्याला वाहन परीक्षक करंजेकर हे अश्लील शिवीगाळ करीत मारहाण करीत होते.याचा संपूर्ण व्हिडिओ समाज माध्यमावर चांगलाच व्हायरल झाला आहे.हा व्हिडिओ दोन दिवसांपूर्वीचा असल्याची माहिती समोर आली.मात्र, याबाबत कोणाकडूनही पोलिसात तक्रार दाखल झालेली नाही.