मोठी बातमी अनोळखी व्यक्तीची गळफास घेऊन आत्महत्या… – देसाईगंज तालुक्याच्या शिवराजपुर-उसेगाव शेतशिवारातील आजची घटना…

देसाईगंज(गडचिरोली):-देसाईगंज तालुक्याच्या शिवराजपुर-उसेगाव शेतशिवारातील कुसुम येलतुरे यांच्या शेताजवळ एका अज्ञात इसमाने गळफास घेऊन आत्महत्या केल्याची घटना आज,शनिवारी १९ ऑक्टोंबरच्या दुपारी उघडकीस आल्याने परिसरात एकच खळबळ उडाली आहे.

मिळालेल्या माहितीनुसार,शिवराजपुर-उसेगाव शेतशिवारातील कुसुम येलतुरे यांच्या शेताजवळील एका झाडाला अज्ञात इसमाने दोरीच्या सहाय्याने गळफास घेऊन आपली जीवन यात्रा संपविली आहे. अनोळखी व्यक्तीचे अंदाजे वय ३० वर्षे असून अंगात पांढऱ्या रंगाची टी-शर्ट व निळ्या रंगाचे जीन्स पँट घातलेले आहे. पोलिसांनी दिलेल्या माहितीनुसार,सदर व्यक्तीची अजून पर्यंत ओळख पटलेली नसून इसमाच्या पँटच्या खिशात केवळ गुटख्याची पुडी मिळाली असल्याचे बिट अंमलदार मदन मडावी यांनी सांगितले.सदर व्यक्तीने आत्महत्या का केली व ती व्यक्ती कुठली आहे; या बाबत पोलिसांनी तपास केला असता अद्याप कुठलाही सुगावा लागलेला नाही.