उद्रेक न्युज वृत्त
मुंबई:- एका जैन मंदिरात चोरीची घटना घडली.यावेळी चोराने एक नवी पद्धत अवलंबिली असून चोराने जैन उपासकाच्या वेशात जैन मंदिरातून सोने चोरी केले आहे.याप्रकरणी एका ५३ वर्षीय व्यक्तीला दिंडोशी परिसरातून अटक करण्यात आली आहे. आरोपीकडून पोलिसांनी सोन्याची प्लेट,१६० ग्रॅम वजनाचा सोन्याचा रॉड आणि एक स्कुटी जप्त करण्यात आली आहे.जप्त केलेल्या वस्तुंची एकूण किंमत सुमारे पाच लाख तीस हजार रुपये आहे.
मंदिरातील चोरीच्या वस्तू विकून मिळालेल्या पैशांतून आरोपी जुगार खेळायचा.आरोपी जैन मंदिरातून सोन्या-चांदीच्या पाट्या चोरी करायचा.क्राईम पेट्रोल कार्यक्रमापासून प्रेरित होऊन चोरी करत असल्याची कबुली आरोपीने दिली आहे.चोरट्याचे नाव भरत सुखराज दोशी असून तो रामचंद्र लेन,मालाड पश्चिम येथील रहिवासी असल्याची माहिती आहे.चोरट्याला पकडण्यासाठी पोलिसांनी १०० पेक्षा जास्त सीसीटीव्ही फुटेजचा तपास केला.आरोपी जैन समाजाचा सदस्य म्हणून तसा पेहराव करतो आणि मुखवटा घालायचा.
