१५ हजाराची लाच भोवली; सहाय्यक वनसंरक्षकासह लिपिक एसीबीच्या जाळ्यात..

उद्रेक न्युज वृत्त :-लाकूड विक्रीचा व्यवसाय करणाऱ्या व्यवसायिकाकडून झाडांची कटाई,लाकूड वाहतूक व विक्री करण्यासाठी कोणतीही कारवाई न करता लाकूड विक्रीचा व्यवसाय सुरळीत चालू देण्यासाठी वार्षिक ३० हजार रुपयांच्या लाचेची मागणी करून तडजोडी अंती लाचेचा पहीला हप्ता म्हणून १५ हजार रूपये स्विकारतांना बुलढाणा वन विभागाच्या एका महिला सहाय्यक वनसंरक्षकासह कनिष्ठ लिपिकास लाच लुचपत प्रतिबंधक विभागाने रंगेहात अटक केली आहे.प्रकरणी दोन्ही लाचखोरांवर भ्रष्टाचार प्रतिबंध अधिनियम १९८८ प्रमाणे गुन्हा दाखल करण्यात आला आहे.अश्विनी बंसत आपेट, वय ३५ वर्षे,पद-सहाय्यक वनसंरक्षक(ACF), वर्ग-१,सहाय्यक वनसंरक्षक कार्यालय,वनविभाग, बुलढाणा.ह.मु.राजमाता नगर,सेट जोसेफ इंग्लीश स्कूलच्या मागे,सुंदरखेड ता.जि.बुलढाणा.मुळ राहणार मु.पो. गिरवली ता.अंबेजोगाई,जि.बिड व अमोल वसंत मोरे, वय ३८ वर्षे,पद-कनिष्ठ लिपिक,वर्ग-३,सहाय्यक वनसंरक्षक कार्यालय,वनविभाग,बुलढाणा.रा.वैजनाथ नगर,चिखली रोड,जित स्पोर्टच्या मागे,ता.जि. बुलढाणा असे लाचखोर अधिकारी व कर्मचाऱ्याचे नाव आहे.

प्रकरणातील तकारदार यांचा शेतामधील झाडांची खरेदी करून,त्या झाडाची कटाई करणे व सदर झाडाचे लाकूड हे आरामशीन व्यापारी यांना विक्री करण्याचा व्यवसाय असल्याने त्यांना झाडांची कटाई, वाहतूक व विक्री करण्यासाठी वन विभागाची रीतसर परवानगी घ्यावी लागते.यासाठी तक्रारदार यांनी परवानगी मागितली असता झाडांची कटाई,वाहतूक व विक्री करण्यासाठी कोणतीही कारवाई न करता सुरळीत चालू देण्यासाठी सहाय्यक वनसंरक्षक व त्यांचे कार्यालयातील लिपिक अमोल मोरे हे ३० हजार रूपये वार्षिक स्वरूपात लाचेची मागणी करीत असल्याची तक्रार लाचलुचपत प्रतिबंधक विभाग, बुलढाणा यांच्याकडे प्राप्त झाली होती.त्यानुसार, ३१ डिसेंबर २०२५ रोजी लाच मागणी पडताळणी करण्यात आली.पडताळणीत ३० हजार रुपयांपैकी १५ हजार रुपये देण्याचे ठरले.त्यानुसार,सहाय्यक वनसंरक्षक यांचे दालनामध्ये तक्रारदार यांचेकडून १५ हजार रूपये लाचेचा पाहीला हप्ता स्विकारतांना दोघांनाही रंगेहात पकडण्यात आले.

सदरची कारवाई बापू बांगर,पोलीस अधिक्षक,ॲन्टी करप्शन ब्युरो,अमरावती,परिक्षेत्र,सचिंद्र शिंदे,अप्पर पोलीस अधिक्षक,ॲन्टी करप्शन ब्युरो,अमरावती, परिक्षेत्र,भागोजी बोरमले,पोलीस उपअधिक्षक,ॲन्टी करप्शन ब्यूरो,बुलढाणा यांचे मार्गदर्शनाखाली सापळा अधिकारी रमेश पवार,पोलीस निरीक्षक विलास गुसिंगे, पोलीस निरीक्षक व सफी शाम भांगे,पोलीस हेड कॉन्स्टेबल प्रविण वैरागी,राजेद्र क्षिरसागर,दिपक जाधव, अमोल झिने,पोलीस नाईक जगदीश पवार,पोकों, गजानन गाल्डे,रंजीत व्यवहारे,शैलेश सोनवणे, मपोकों स्वाती वाणी,चापोहेका नितीन शेटे,अर्शद शेख सर्व ॲन्टी करप्शन ब्यूरो,बुलडाणा यांनी पार पाडली.