सोशल मीडियावर ओळख झालेल्या तरुणीवर अत्याचार; आरोपीस बेड्या..

नागपूर :-सोशल मीडियाच्या स्नॅपचॅटवर एका २१ वर्षीय तरुणीची २३ वर्षीय तरुणाशी ओळख झाली.ओळखीचा गैरफायदा घेत तरुणाने शीतपेयात गुंगीचे औषध देऊन तिच्यावर अत्याचार केला.त्यानंतर,तिचे अश्लील फोटो व्हायरल करण्याची धमकी देऊन आरोपीने तिच्यासोबत वारंवार शारीरिक संबंध प्रस्थापित केले.यात तरुणी गर्भवती राहिली.गर्भवती झाल्यानंतर तिचा गर्भपात केला.मानसिकदृष्ट्या खचलेली तरुणी आपल्या राज्यात निघून गेल्यानंतर आरोपीने तिचे अश्लील फोटो तिच्या नातेवाइकांना पाठवून सोशल मीडियावर अपलोड केले. या प्रकारामुळे मानसिक तणावात गेलेल्या तरुणीने नागपूरच्या बेलतरोडी पोलिसांत तक्रार नोंदवताच पोलिसांनी आरोपी तरुणाला बेड्या ठोकल्या असून अभिजीत सुंदरलाल चौधरी वय २३ वर्षे,रा.अजनी, नागपूर असे अटक करण्यात आलेल्या आरोपीचे नाव आहे.तो एमबीएला शिक्षण घेत आहे,तर पीडित युवती २१ वर्षाची असून,ती अभियंता आहे.ती मूळची मध्य प्रदेशातील रहिवासी असून,मागील दोन वर्षांपासून नागपूरच्या मिहान परिसरातील एका कंपनीत काम करते.तरुणी तिच्या काकू-काकांच्या शेजारीच किरायाच्या खोलीत राहते.आरोपी अभिजीतसोबत युवतीची २०२४ मध्ये स्नॅपचॅटवर ओळख झाली. त्यानंतर,आरोपी अभिजीतचे तरुणीच्या खोलीवर येणे-जाणे सुरू झाले.दरम्यान,आरोपी अभिजीतने तरुणीला शीतपेयातून गुंगीचे औषध देऊन जबरदस्ती तिच्याशी शारीरिक संबंध प्रस्थापित केले.त्यानंतर,आरोपीने तिचे अश्लील फोटो काढले व अश्लील फोटो व्हायरल करण्याची धमकी देऊन आरोपीने तिच्यासोबत वारंवार शारीरिक संबंध प्रस्थापित केले.यात युवती गर्भवती राहिली.आरोपी अभिजीतने तिला गर्भपात करावयास लावला.या घटनेमुळे खचलेली युवती मध्य प्रदेशात आपल्या आई-वडिलांकडे निघून गेली.त्यानंतरही आरोपी अभिजीतने तिला त्रास देणे सुरूच ठेवले.आरोपीने तरुणीला परत नागपुरात येण्यासाठी दबाव टाकला. नागपूरला न आल्यास तिचे फोटो सोशल मीडियावर व्हायरल करण्याची धमकी दिली आणि तिचे अश्लील फोटो तिच्या नातेवाइकांना पाठवून सोशल मीडियावर अपलोड केले.प्रकरणी तरुणीने दिलेल्या तक्रारीवरून आरोपीस बेड्या ठोकण्यात आल्या.