वन विभागात खळबळ; वाघाची शिकार करून पंजे,मिशा आणि दात केले गायब..

नागपूर :-नागपूर प्रादेशिक वनविभागांतर्गत येणाऱ्या खापा वनपरिक्षेत्रात वाघाची शिकार झाल्याची घटना नुकतीच उघडकीस आली आहे.अशातच अज्ञात शिकाऱ्यांनी वाघाचे चारही पंजे,मिशा आणि दात काढून नेल्याने वन विभागात एकच खळबळ उडाली आहे.

खापा वन परीक्षेत्रातील नागलवाडी वन कक्षाअंतर्गत कोरमेटा नियतक्षेत्रातील सिरोंजी हद्दीत धनगाळा नाल्यामध्ये वाघ पडून असल्याची माहिती स्थानिक नागरिकांनी नागलवाडीचे वनपाल एस.डी.गडलिंगे यांना दिली.माहिती मिळाल्यानंतर एस.डी.गडलिंगे, वनपरिक्षेत्र अधिकारी प्रवीण लेले व इतर वनकर्मचारी घटनास्थळी दाखल झाले.घटनेबाबत खात्री केली असतांना घटनास्थळी वाघ मृतावस्थेत आढळून आला.सदर घटनेची माहिती नागपूर प्रादेशिकचे उपवनसंरक्षक डॉ. भारत सिंह हाडा,सहाय्यक वनसंरक्षक व्ही.सी.गंगावणे यांना देण्यात आली.मृत वाघाचे वय तीन ते साडेतीन वर्षाच्या दरम्यान असल्याचे निदर्शनास आले.तसेच वाघाचे चारही पंजे, मिश्या आणि दात शिकाऱ्यांनी नेल्याचे आढळून आले.घटनास्थळाच्या आजूबाजूच्या परिसरात पाहणी केली असता परिसरातील ११ केव्हीच्या विद्युत वाहिनीवरुन लोखंडी तार व बांबू खुंट्यांच्या सहाय्याने वन्यप्राण्यांची शिकार करण्याकरिता सापळा लावण्यात आला असल्याचे वनाधिकाऱ्यांच्या