रेल्वेच्या मेमू-डेमू गाड्या पाच दिवसांसाठी रद्द.

गोंदिया :-यापूर्वी दक्षिण-पूर्व मध्य रेल्वेच्या नागपूर रेल्वे मंडळांतर्गत चांदाफोर्ट रेल्वे स्थानकावर अतिरिक्त लुप लाइनचे काम सुरू करण्यात आले होते.त्यामुळे गोंदिया-चांदाफोर्ट मार्गावरील काही रेल्वेगाड्या दोन दिवसाकरिता रद्द करण्यात आल्या होत्या.लुप लाईनच तसेच रेल्वे रुळाचे काम पूर्ण झाल्याने रद्द करण्यात आलेल्या गाड्या पूर्ववत सुरू झाल्या.अश्यातच आता आणखी दक्षिण-पूर्व मध्य रेल्वेच्या मुख्य परिचालन व्यवस्थापक कार्यालय बिलासपूर रेल्वे रूळच्या देखभाल दुरुस्तीच्या कामासाठी गोंदिया-कटंगी,गोंदिया-बालाघाट,रायपूर-डोंगरगड या मेमू-डेमू गाड्या पाच दिवसांसाठी काल,शुक्रवार ११ जुलैपासून रद्द करण्यात आल्या आहेत.पाच दिवसांनंतर या गाड्या पूर्ववत त्यांच्या निर्धारित वेळापत्रकाप्रमाणे धावणार आहेत.

• रद्द करण्यात आलेल्या गाड्या👇

गोंदिया-कटंगी डेमू,कंटगी-गोंदिया डेमू,तुमसर रोड-बालाघाट डेमू,गोंदिया-रायपूर मेमू,डोंगरगड-गोंदिया मेमू या गाड्या १४ जुलैपर्यंत रद्द राहणार असून १५ जुलैपासून त्या पुन्हा आपल्या पूर्ववत वेळेत धावतील. तर गोंदिया-रायपूर मेमू ही गाडी १५ जुलैपर्यंत रद्द राहणार आहे.गेवरा रोड-रायपूर ही गाडी १६ जुलैपर्यंत रद्द,रायपूर-डोंगरगड मेमू,डोंगरगड रायपूर मेमू ही १६ जुलैपर्यंत रद्द राहील.या मार्गावरील डेमू आणि मेमू गाड्या पाच दिवस रद्द असल्याने मार्गावरून प्रवास करणाऱ्या प्रवाशांना याचा फटका बसणार आहे.