उद्रेक न्युज वृत्त
भंडारा :- सरत्या वर्षात स्थानिक गुन्हे शाखा व तुमसर पोलिसांनी संयुक्त कारवाई करीत रिव्हॉल्वर व चार काडतुसांसह चौघांना अटक केली आहे.ही धाडसी कारवाई काल, मंगळवारला दुपारी भंडारा शहरातील शीतला माता मंदिराजवळ करण्यात आली.यात दोन जण फरार असल्याचेही पोलिस सूत्रांनी सांगितले. तुमसर येथे २५ सप्टेंबरला नईम शेख यांची हत्या करण्यात आली होती. काल अटक केलेल्या आरोपींचा या हत्याकांडाशी कनेक्शन आहे काय? याचाही शोध घेण्यात येत आहे.
स्थानिक गुन्हे शाखा व तुमसर पोलिसांना काही अज्ञात गुंड प्रवृत्तीचे इसम भंडारा शहरात आल्याची माहिती मिळाली.उल्लेखनीय म्हणजे काल,मंगळवारी दुपारच्या सुमारास स्थानिक गुन्हे शाखा व तुमसर पोलिसांनी केलेल्या कारवाईत पकडण्यात आलेले चारही इसम हे तुमसर येथील रहिवासी होते.भरगच्च वस्तीतून जात असताना घडलेल्या कारवाईने खळबळ उडाली.वर्षभरात खुनाच्या तब्बल २५ घटना व खुनाच्या प्रयत्नाच्या घटनांतही वाढ झाल्याचे दिसून आले.सरते वर्ष संपायला चार दिवसांचा कालावधी शिल्लक असतानाच रिव्हॉल्वरसह चार जिवंत काडतुसे चौघांच्या ताब्यातून जप्त करण्यात आली.सर्व चारही व्यक्ती तुमसर येथील रहिवासी आहेत.एखादी मोठी घटना घडविण्यासाठी तर भंडारा शहरात आले नव्हते ना..! याचाही तपास पोलिस करीत आहेत.या कारवाईदरम्यान फरार असलेल्या दोन इसमांचा शोध घेतला जात आहे.पोलिसांचे पथक त्यांच्या मागावर असल्याचे कळते.
लोहित मतानी,पोलिस अधीक्षक,भंडारा 👇
स्थानिक गुन्हे शाखा व तुमसर पोलिस यांच्या संयुक्त पथकाने चौघांना ताब्यात घेत त्यांच्याकडून एक रिव्हॉल्वर व चार काडतुसे जप्त केली. फरार आरोपींच्या शोधात पथक पाठविण्यात आले आहे. या घटनेचा सखोल तपास केला जात आहे.
