- Advertisement -
- Advertisement -
- Advertisement -
- Advertisement -
उद्रेक न्युज वृत्त :- आज १९ ऑगस्टला सगळीकडेच रक्षाबंधन दिवस साजरा केला जातो.अशातच भंडारा येथील हर्षा भुरे यांनी रक्षाबंधन दिनानिमित्त शब्दरूपी काव्य लेखन केले आहे.👇
आली नारळी पौर्णिमा
घालू भावाला औक्षण
भावा बहिणीचे नाते
सदा जपणारा सण..१
ताट सजवू सोन्याचा
दीप उजळवू छान
लोभो दीर्घायुष्य भावा
देवा मागू वरदान….२
ओवाळून भाऊराया
राखी बांधूया हाताला
नाते बहिण भावाचे
वाढे रक्षाबंधनाला….३
नको रूसवा फुगवा
जपू मायेचे बंधन
घास भरवू प्रेमाने
ठेवू आनंदीत मन…४
नाते हळवे राखीचे
घाली भावनांना साद
नाळ एकाच गर्भाची
विसरवी सारे वाद…५
धागा रेशमी प्रेमाचा
वेड्या बहिणीची माया
बंध अतूट अनोखा
जीवलग छत्रछाया…६
एक नाळ जोडलेले
जणू बंध रेशमाचे
जीव दुखे दोघांचाही
नाते अतूट प्रेमाचे…७
भाऊ बहिणीचे नाते
राखी काळजात ठसे
गोड घास भरवण्या
ओढ माहेराची असे…८
मन भावाचे दुखते
ठेच लागता ताईला
नाते हळवे राखीचे
कळे हे क्षणा क्षणाला .. ९
कृष्ण द्रोपदीचे नाते
कलियुगी झळकावे
बहिणीच्या संरक्षणा
भाऊ संकटात यावे…१०
- Advertisement -
