‘जन्माने जरी मी बौद्ध नसलो तरी बुद्धांचे विचार अंगीकारतो’- विजय वडेट्टीवार – अड्याळ जानी येथे ४५ हजार कोटी रुपये खर्च करून विपश्यना केंद्राची उभारणी…

ब्रम्हपुरी(चंद्रपूर) :-जन्माने जरी मी बौद्ध नसलो

तरी बुद्धांचे विचार अंगीकारून सर्वसामान्यांना न्याय देण्याचा प्रयत्न करतो.तथागतांच्या धम्मातील माणुसकीची व प्रेमभावाची शिकवण हीच जगाला खरी शांतीचा संदेश देणारी शिकवण होय; असे मत राज्याचे विरोधी पक्षनेते तथा ब्रम्हपुरी विधानसभा क्षेत्राचे आमदार विजय वडेट्टीवार यांनी केले.

ब्रम्हपुरी तालुक्यातील अड्याळ (जानी) येथे ४५ कोटी रुपये खर्च करून विपश्यना केंद्र उभारण्यात येणार आहे.या केंद्राच्या भूमिपूजन तसेच तथागत गौतम बुद्धांच्या मूर्तीच्या वितरण सोहळ्याप्रसंगी ते बोलत होते.यावेळी अतिथी म्हणून थायलंड येथील वाट साकेत धम्म स्कूल रॉयल मठ पाली विभागाचे प्रोफेसर डॉ.फ्रामहा फोंगसाथोर्न धम्मभणी,पाली विभागाचे प्रा. फ्रामाहा सुपाचे सुयानो,प्रमुख अतिथी म्हणून खासदार प्रणिती शिंदे,खासदार बलवंत वानखेडे,खासदार डॉ. नामदेव किरसान,कॅप्टन नटिकेट थाईलंड,सिने अभिनेता गगन मलिक, काँग्रेस अनुसूचित जाती सेलचे प्रदेशाध्यक्ष सिद्धार्थ हत्तीअंबीरे,युवक काँग्रेसच्या प्रदेश सरचिटणीस शिवानी वडेट्टीवार, ॲड.राम मेश्राम,माजी जिल्हा परिषद अध्यक्ष सतीश वारजुरकर,ओबीसी प्रदेश संघटक धनराज मुंगले, तालुका काँग्रेस कमिटीचे अध्यक्ष खेमराज तिडके, सिंदेवाही तालुकाध्यक्ष रमाकांत लोधे,कृउबा सभापती प्रभाकर सेलोकर, माजी जिल्हा परिषद सदस्य डॉ. राजेश कांबळे,माजी जिल्हा परिषद सदस्य प्रमोद चिमूरकर आदींची यावेळी उपस्थिती होती.

सिनेअभिनेते गगन मलिक यांनी बौद्ध धर्माच्या शिकवणीचे महत्त्व पटवून देत धम्मचक्र पुढे नेण्याचे जबाबदारीचे कार्य हे उपासकांवर असल्याचे सांगितले.यावेळी उपस्थित पाहुण्यांनीही मार्गदर्शन केले.यावेळी थायलंड येथील भंते डॉ.फ्रामहा सुपाचै धम्मभणी यांनी उपस्थितांच्या जीवनात सुख, समृद्धीसाठी तथागत गौतम बुद्धांच्या चरणी प्रार्थना केली.प्रास्ताविक डॉ.राजेश कांबळे,सूत्रसंचालन सतीश डांगे,सूरज मेश्राम यांनी केले.कार्यक्रमाला मोठ्या संख्येने नागरिक उपस्थित होते.