येत्या सोमवारी दिव्यांग तक्रार निवारण समितीची बैठक..

गडचिरोली :-जिल्ह्यातील दिव्यांग नागरिकांच्या तक्रारी तसेच अपील प्रकरणांचे निवारण करण्याच्या उद्देशाने जिल्हा परिषदेचे मुख्य कार्यकारी अधिकारी सुहास गाडे यांच्या अध्यक्षतेखाली जिल्हा दिव्यांग तक्रार निवारण समितीची बैठक येत्या,सोमवार १५ सप्टेंबर २०२५ रोजी दुपारी १२ वाजता आयोजित करण्यात आली आहे.सदर सभा गडचिरोली जिल्हा परिषद सभागृहात घेण्यात येणार असून जिल्ह्यातील दिव्यांग बांधवांनी आपल्या अडचणी,समस्या आणि सूचना घेऊन वेळेवर सभेला उपस्थित राहावे,असे जिल्हा परिषदेचे उपमुख्य कार्यकारी अधिकारी (सामान्य प्रशासन)अनिकेत पाटील यांनी कळविले आहे.