मोठी बातमी.. अखेर माणिकराव कोकाटे कृषी मंत्री पदावरून बाहेर.. – अधिवेशनात ऑनलाईन रमी गेम खेळणे भोवले

मुंबई :-विधानसभेत रमी खेळणारे माणिकराव कोकाटे यांच्याकडील कृषिखाते बदलण्यात आले असून कृषिखात्याची जबाबदारी आता दत्तात्रय भरणे यांच्याकडे देण्यात आली आहे.तर भरणे यांच्याकडील आधी असलेले क्रीडा आणि युवक कल्याण खाते कोकाटे यांच्याकडे देण्यात आले आहे.राज्याचे पावसाळी अधिवेशन सुरू असतांना मंत्री माणिकराव कोकाटे हे विधानसभेत मोबाईलवर रमी खेळत होते.त्याचा व्हिडीओ रोहित पवारांनी पोस्ट केला होता.त्यानंतर माणिकराव कोकाटे यांनी राजीनामा द्यावा,यासाठी विरोधकांनी सरकारवर दबाव टाकला होता.परंतु कोकाटे यांचा राजीनामा न घेता फक्त त्यांच्या खात्यामध्ये बदल करण्यात आला आहे.माणिकराव कोकाटे हे राज्याचे कृषिमंत्री होते. परंतु,विधिमंडळ कामकाजात मोबाइलवर रमी खेळतांनाचा व्हिडिओ शरद पवार गटाचे आमदार रोहित पवार यांनी व्हायरल केला होता.त्यानंतर विरोधकांनी त्यांच्या राजीनाम्याची मागणी केली होती. त्यानंतर कोकाटे यांनी आपण रमी खेळत नसल्याचे सांगितले होते.आता त्यांच्या जागी दत्तात्रय भरणे यांना कृषिमंत्री पद देण्यात आले असून माणिकराव कोकाटे यांना क्रीडा खाते देण्यात आले आहे.