मुख्यमंत्र्यांच्या ताफ्यात घुसून आत्मदहनाचा प्रयत्न; अंगावर ओतले रॉकेल..

जळगाव :-एका व्यक्तीने चक्क अंगावर रॉकेल ओतून मुख्यमंत्री देवेंद्र फडणवीस यांच्या ताफ्यामध्ये घुसून  आत्मदहनाचा प्रयत्न केल्याची धक्कादायक घटना आज,शुक्रवार २० जून रोजी जळगवाच्या आकाशवाणी चौक परिसरात घडली.मुख्यमंत्र्यांचा ताफा येताच व्यक्ती समोर आला आणि त्याने अंगावर रॉकेल ओतून आत्महदहनाचा प्रयत्न केला.पोलिसांनी वेळीच रोखल्यामुळे मोठा अनर्थ टळला.पोलिसांनी सदर व्यक्तीला ताब्यात घेतले आहे.मुख्यमंत्री देवेंद्र फडणवीस हे आज शुक्रवारी जळगाव दौऱ्यावर असतांना सदरची घटना घडली.त्यांचा ताफा जळगाव शहरामध्ये दाखल होताच ताफ्यामध्ये घुसून एका व्यक्तीने स्वतःला जाळून घेण्याचा प्रयत्न केला.संजय वराडे असे आत्मदहनाचा प्रयत्न करणाऱ्या व्यक्तीचे नाव आहे.शासनाकडे बाकी असलेले पैसे मिळत नसल्याने संजय वराडे या ठेकेदाराने आत्मदहनाचा प्रयत्न केल्याची माहिती समोर आली आहे.पोलिसांनी वेळीच मध्यस्थी केल्याने मोठा अनर्थ टळला.घटनेमुळे जळगावमध्ये एकच खळबळ उडाली.सदर घटनेनंतर आणि मुख्यमंत्र्यांच्या जळगाव दौऱ्यामुळे शहरामध्ये पोलिसांचा कडक बंदोबस्त तैनात करण्यात आला.