महसूल विभागातील १२ वरिष्ठ अधिकाऱ्यांना लोकसेवा आयोगाकडून पदोन्नती..

मुंबई :-राज्याच्या महसूल विभागातील १२ वरिष्ठ अधिकाऱ्यांना लोकसेवा आयोगाकडून(MPSC) पदोन्नती देण्यात आली आहे.त्यानुसार राज्याच्या महसूल सेवेतील ज्येष्ठ अधिकाऱ्यांना आज,सोमवार १४ जुलै रोजी आयएएस(IAS)कॅडरचा दर्जा देण्यात आल्याची अधिसूचना केंद्र सरकारने जारी केली आहे.यात विजयसिंह देशमुख,विजय भाकरे,त्रिगुण कुलकर्णी,गजानन पाटील,महेश पाटील,पंकज देवरे,मंजिरी मनोलकर,आशा पठाण,राजलक्ष्मी शहा,सोनाली मुळे,गजेंद्र बावणे व प्रतिभा इंगळे यांचा समावेश आहे.केंद्र सरकारच्या पर्सनल,पब्लिक ग्रीवन्सेस अँड पेन्शन मंत्रालयाच्या पर्सनल व ट्रेनिंग विभागाने यासंदर्भात अधिसूचना जारी केली आहे.दरम्यान,१ जानेवारी २०२४ ते ३१ डिसेंबर २०२४ या कालावधीतील रिक्त असलेल्या जागांवर पदोन्नती दिलेल्या १२ नवीन आयएएस अधिकाऱ्यांची नेमणूक केली जाणार आहे.यासंदर्भात,राज्याचे महसूलमंत्री चंद्रशेखर बावनकुळे यांनी प्रशासकीय सेवेत पदोन्नती मिळालेल्या सर्व अधिकाऱ्यांचे अभिनंदन केले आहे.महसूल विभाग हा महाराष्ट्राचा प्रशासकीय कणा आहे; म्हणून या अधिकाऱ्यांनी आता आपली संपूर्ण क्षमता महाराष्ट्राच्या विकासासाठी उपयोगी आणावी अशी सदिच्छा व्यक्त करतो,असेही बावनकुळे यांनी या पदोन्नतीनंतर ट्विट करत म्हटले आहे.