नोकरीच्या नावाखाली २८ लाखांचा गंडा…

नागपूर :-मध्य रेल्वेत नोकरीच्या नावाखाली तीन आरोपींनी एका वृद्धाला तब्बल २८ लाखांचा गंडा घातला.आश्चर्याची बाब म्हणजे,आरोपींनी महिलेच्या मुलाला रेल्वेचे खोटे नियुक्तिपत्रदेखील दिले होते.सदरची घटना जरीपटका पोलिस ठाण्याच्या हद्दीत घडली.

देवदास रामाजी जांभूळकर वय ६८ वर्षे,इंदोरा असे फसवणूक झालेल्या ज्येष्ठ नागरिकाचे नाव आहे.तर पृथ्वीराज दुर्योधन साखरे वय ५२ वर्षे,बुद्धनगर, मिलिंद कांबळे वय ४५ वर्षे,गणेशपेठ व दीपक कवडू मोपट्टीवार वय ६४ वर्षे,रुद्राक्षनगर,बेसा मार्ग अशी आरोपींची नावे आहेत.जांभूळकर यांची पृथ्वीराजसोबत २०१३ साली ओळख झाली होती. त्यावेळी पृथ्वीराजने एका खासदाराच्या पत्नीसोबत चांगली ओळख असल्याची बतावणी केली होती.त्याने जांभूळकर यांचा मुलगा विनीत याला मध्य रेल्वे किंवा सामाजिक न्याय विभागात नोकरी लावून देऊ शकतो,असा दावा केला होता.त्याने ऑगस्ट २०१८ ते फेब्रुवारी २०२५ या कालावधीत मध्य रेल्वेत नोकरी लावून देतो या नावाखाली २८ लाख रुपये उकळले.