धावपट्टीवरून उड्डाण करताच विमानाचा अपघात; विमानात २४२ नागरिक..

उद्रेक न्युज वृत्त :-गुजरातमधील अहमदाबाद येथे आज,गुरुवार १२ जून रोजी दुपारच्या सुमारास एअर इंडियाचे एआय-१७१ नावाचे एक प्रवासी विमान कोसळले असून सदरचे विमान हे लंडनच्या गॅटविकला जात होते.विमानात २४२ प्रवासी,२ वैमानिक आणि १० कर्मचारी होते.त्यापैकी १६९ प्रवासी भारतीय,तर ५३ ब्रिटिश नागरिक होते,यातील १ व्यक्ती कॅनेडियन होता,तर ७ पोर्तुगालचे नागरिक होते.धावपट्टीवरून उड्डाण केल्यानंतर लगेचच विमान विमानतळाच्या बाहेर मेघानीनगर परिसरात जमिनीवर कोसळला.अहमदाबाद एअर ट्रॅफिक कंट्रोलर नुसार, या विमानाने अहमदाबादहून दुपारी १.३९ वाजता उड्डाण केले.त्यांनी एअर ट्रॅफिक कंट्रोलरला डिस्ट्रेस कॉल केला,परंतु त्यानंतर एअर ट्रॅफिक कंट्रोलर कॉलला कोणताही प्रतिसाद मिळाला नाही.धावपट्टी २३ वरून उड्डाण केल्यानंतर लगेचच विमान विमानतळाच्या बाहेर जमिनीवर पडला.विमानाची धुरा कॅप्टन सुमित सभरवाल आणि फर्स्ट ऑफिसर क्लाइव्ह कुंदर यांच्याकडे होती.सर्व जखमींना उपचारासाठी जवळच्या रुग्णालयात नेण्यात आल्याचे एअर इंडियाने म्हटले आहे.एअर इंडियाने १८००५६९१४४४(1800 5691 444)हा हेल्पलाइन क्रमांक देखील जारी केला आहे.सदरचा नंबर फक्त या अपघाताशी संबंधित माहितीसाठी जारी करण्यात आला आहे.