उद्रेक न्युज वृत्त
मुंबई :- राज्याचे कॅबिनेट मंत्री धर्मरावबाबा आत्राम यांना सर्वोत्कृष्ट लोकनेत्यासाठी न्यूजमेकर्स अचिव्हर्स पुरस्कार २०२४ प्रदान करण्यात आला. महाराष्ट्र दिन आणि कामगार दिनानिमित्त मुंबईतील यशवंतराव चव्हाण सभागृहात सोळाव्या न्यूजमेकर्स अचिव्हर्स अवॉर्डचे आयोजन करण्यात केले होते. वैदेही तामन यांच्यातर्फे आयोजित कार्यक्रमात धर्मरावबाबा आत्राम यांच्यासह अनेक कर्तृत्ववान मान्यवरांचा गौरव करण्यात आला.नक्षलवाद्यांनी आपल्याला सतरा दिवस ओलीस ठेवले होते.त्यामुळे नवसंजीवनी मिळाली, असे धर्मरावबाबा आत्राम यांनी सांगितले. हा सन्मान मिळाल्याने खूप आनंद झाला असल्याचे ते म्हणाले. त्यांनी गडचिरोलीतील पाच हजार कुटुंबांना खाणकामात रोजगार उपलब्ध करून दिला असून भविष्यातही जनतेच्या कल्याणासाठी कार्यरत राहणार असल्याचे ते म्हणाले. धर्मरावबाबा आत्राम यांच्या जीवनावर आधारित ‘धर्मरावबाबा आत्राम-दिलो का राजा’ हा चित्रपटही बनवण्यात आला आहे.
