उद्रेक न्युज वृत्त
देसाईगंज(गडचिरोली) :- ओडिसा राज्यातून आलेला जंगली हत्तींचा कळप सध्या देसाईगंज व कुरखेडा तालुक्यात ठाण मांडून बसला आहे.हत्तींना हुसकावून लावण्याचे वनविभाग व हुल्ला टिम प्रयत्न करीत असले तरी ते असफल होताना दिसत आहे.काही दिवसांपूर्वी आरमोरी तालुक्यातील रवी परिसरात हत्ती गेल्याने देसाईगंज तालुक्यातील पिंपळगाव,डोंगरगाव, अरततोंडी, विहिरगाव परिसरातील शेतक-यांनी सुटकेचा निश्वास सोडला होता.आता ऐन धानपीक कापणीच्या वेळी हत्ती परतले आहेत.हत्तींकडून कापणीयोग्य धानपीक पायदळी तुडवले जात असल्याने शेतक-यांचे मोठे नुकसान होत आहे.देसाईगंज तालुक्याच्या अरततोंडी येथील नितीन बुद्धे यांच्या शेतात व शेजारच्या शेतात रात्रीच्या वेळी हत्तींनी धान पिकाची नासधूस केली. वनविभाग हत्तींना रोखण्यासाठी असमर्थ असल्याने शेतकऱ्यांमधून तीव्र रोष व्यक्त होत आहे.
