देसाईगंजचे पवन दत्ता गेले; तर भंडाऱ्यात नवीन जिल्हाधिकारी आले..!

उद्रेक न्युज वृत्त :-राज्य शासनाने सनदी अधिकाऱ्यांच्या बदल्या करीत गडचिरोली जिल्ह्याला ३ जुलै २०२५ रोजी तीन नवीन आयएएस अधिकारी दिले होते.त्यांची नियुक्ती सहाय्यक जिल्हाधिकारी तथा उपविभागीय अधिकारीपदी करण्यात आली आहे.यात पूर्वी नांदेडच्या सहाय्यक जिल्हाधिकारी अनौष्का शर्मा यांची कुरखेडा उपविभागीय अधिकारीपदी नियुक्ती करण्यात आली आहे.तर जालनाचे सहाय्यक जिल्हाधिकारी अरुण एम.यांची चामोर्शीच्या उपविभागीय अधिकारीपदी नियुक्ती करण्यात करण्यात आली आहे.त्यातच पूर्वी नंदूरबारचे सहाय्यक जिल्हाधिकारी डॉ.जी.व्ही.एस.पवन दत्ता यांची देसाईगंजच्या उपविभागीय अधिकारीपदी नियुक्ती करण्यात आली होती.नियुक्ती पासून बरेच दिवस ते देसाईगंज कार्यालयात रुजू झाले नव्हते. अश्यातच रुजू झाले आणि जेमतेम बोटावर मोजण्याइतकेच दिवस राहून परत पुन्हा आज, मंगळवार १२ ऑगस्ट रोजी त्यांची नाशिकच्या इगतपुरी उपविभागात नियुक्ती करण्यात आली आहे.तर नंदुरबार जिल्हा परिषदेचे मुख्य कार्यकारी अधिकारी सावन कुमार यांची भंडारा जिल्हाधिकारी म्हणून नियुक्ती करण्यात आली आहे.

• डॉ.अशोक करंजकर (IAS:SCS:२००९) यांची उर्वरित महाराष्ट्र वैधानिक विकास मंडळ,मुंबईचे सदस्य सचिव म्हणून नियुक्ती करण्यात आली आहे.

• संजय कोलते (IAS:SCS:२०१०)जिल्हाधिकारी, भंडारा यांची शिवशाही पुनर्वसन प्रकल्प,मुंबईचे व्यवस्थापकीय संचालक म्हणून नियुक्ती करण्यात आली आहे.

• सुशील खोडवेकर (IAS:RR:२०११)सदस्य सचिव,उर्वरित महाराष्ट्र विकास मंडळ, मुंबई यांना विकास आयुक्त(असंघटित कामगार), मुंबई म्हणून नियुक्त्ती करण्यात आली आहे.

•  सावन कुमार (IAS:RR:२०१९)मुख्य कार्यकारी अधिकारी,जिल्हा परिषद,नंदुरबार यांची जिल्हाधिकारी,भंडारा म्हणून नियुक्ती करण्यात आली आहे.