दिवाळीला महागाईचा जोरदार झटका; गॅस सिलेंडरच्या दरात ६२ रूपयांची वाढ…

उद्रेक न्युज वृत्त :-देशभरात दिवाळीचा उत्साह असतांना ऐन दिवाळीतच सामान्यांना मोठा झटका बसला आहे.दिवाळीला महागाईचा जोरदार झटका बसला आहे.लक्ष्मीपुजनाच्या दिवशीच म्हणजे १ नोव्हेंबरला गॅस सिलेंडरच्या दरात वाढ झाली आहे. यामुळे खिशाला चांगलाच फटका बसणार आहे.

१९ किलोग्रॅम वजनाच्या एलपीजी गॅस सिलेंडरच्या दरात वाढ झाली आहे.१९ किलोच्या कमर्शियल एलपीजी गॅस सिलेंडरच्या दरात ६२ रूपयांची वाढ झाली आहे.दरम्यान,तेल कंपन्यांकडून १४.२ किलोग्रॅम वजनाच्या सिलेंडरच्या दरात कोणतेही बदल करण्यात आलेले नाहीत.कमर्शियल गॅस सिलेंडरचे वाढलेले दर १ नोव्हेंबर २०२४ पासून लागू होतील.दर महिन्याच्या पहिल्या तारखेला एलपीजी गॅस सिलेंडरचे दर ठरवले जातात.तेल कंपन्यांनी शुक्रवारपासून १९ किलोच्या कमर्शियल सिलेंडरच्या दरात ६२ रूपयांनी वाढ केली आहे.