“तू आतापर्यंत गडचिरोलीच्या जंगलात काम केले आहे; तुला पोलिसिंग माहिती नाही” असे म्हणीत पोलीस निरीक्षकाला पट्टयाने बेदम मारहाण…

नागपूर :-क्षुल्लक वाद आणि बेदम मारहाण करणारी घटना नागपूर शहराच्या वाडी पोलिस ठाण्यात घडली आहे.दोन बीट मार्शल्सने नक्षलविरोधी अभियानाच्या पोलिस निरीक्षकालाच एका बारमधून ओढत ठाण्यात नेले आणि तेथे त्याला बेदम मारहाण केली.आश्चर्याची बाब म्हणजे निरीक्षकाने स्वतःची ओळख सांगितल्यावरदेखील मारहाण सुरूच होती.या प्रकारामुळे पोलिस वर्तुळात खळबळ उडाली आहे. जर दुसऱ्या युनिटमधील पोलिस अधिकाऱ्यांनाच अशी वागणूक मिळत असेल तर सामान्य नागरिकांनी कुणाकडे जावे आणि हा वर्दीचा माज आहे की त्याच्याआड सुरू असलेले जंगलराज आहे,असा सवाल उपस्थित होत आहे.