एमडी ड्रग्स पावडर,घातक शस्त्रे तसेच चोरीचा संशय असलेल्या सोन्या-चांदीच्या दागिन्यांसह तिघांना अटक..

नागपूर :-पोलीस गस्तीदरम्यान सार्वजनिक ठिकाणी  काही संशयास्पद व्यक्तींना ताब्यात घेताच मोठा भांडाफोड होऊन कारवाईत एमडी(मेफेड्रोन)पावडर, घातक शस्त्रे तसेच चोरीचा संशय असलेले सोन्या-चांदीचे दागिने असा एकूण सुमारे १६ लाख १३ हजार रुपयांचा मुद्देमाल जप्त करण्यात आला.या प्रकरणी आकाश राजू हतागडे वय ३७ वर्षे,रा.विश्वास नगर,योगेश संजू सीरिया वय ३० वर्षे,रा.गवळीपुरा,सदर आणि आकाश गजानन टाले वय ३० वर्षे,रा.मानव सेवा नगर,नागपूर यांना अटक करण्यात आली आहे.पोलीस तपासादरम्यान,आकाश हतागडे याने एमडी पावडर योगेश सीरियाकडून खरेदी करून ती आकाश टालेला देणार असल्याची माहिती समोर आली आहे.योगेश सीरिया याने ही एमडी पावडर आकाश कटारिया उर्फ अक्कूकडून घेतल्याचे निष्पन्न झाल्याने,पोलीस त्याचा शोध घेत आहेत.सदरची कारवाई ही नागपूर शहर पोलिसांच्या अंमली पदार्थ विरोधी (एनडीपीएस)पथकाने गिट्टीखदान पोलिस ठाणे हद्दीतील विश्वास नगर परिसरात केली.