उद्रेक न्युज वृत्त
सिंदेवाही(चंद्रपूर) :- सध्या तेंदूपत्ता संकलनाचा हंगाम सुरू असून या माध्यमातून ग्रामस्थांना रोजगार उपलब्ध होत आहे.नेहमी प्रमाणे प्रभाकर सहकाऱ्यासह जंगल परिसरात तेंदूपत्ता तोडण्यासाठी गेला होता.तेंदू गोळा करीत असताना झुडपात दबा धरून बसलेल्या वाघाने हल्ला करून त्याला ठार केले.
सदरची घटना वन विभाग कारघाटा कंपार्टमेंट नंबर २५७ मधील कच्छेपार कारघाटा जंगल परिसरात घडली.ही घटना काल,रविवारी २६ मे रोजी सकाळी ११:३० च्या सुमारास घडली.प्रभाकर अंबादास वेठे वय ४८ वर्षे रा. डोंगरगाव असे मृतकाचे नाव आहे.
या घटनेची माहिती मिळताच पोलिस विभागाचे निरीक्षक तुषार चव्हाण घटनास्थळी दाखल झाले. वनविभागाचे अधिकारी सालकर व अन्य कर्मचाऱ्यांच्या मदतीने गोळा झालेल्या नागरिकांसोबत यशस्वी तोडगा काढत मृतदेह ग्रामीण रुग्णालय सिंदेवाही येथे रवाना केले.त्या ठिकाणी चोख बंदोबस्त ठेवण्यात आला होता.
