बस-ट्रकची समोरासमोर धडक; तब्बल २४ प्रवासी जखमी..

एमएच-१४ एमएच-३३५६ क्रमांकाची एसटी बस सिंदेवाहीहून राजुरा-तुमसर मार्गावर निघाली असतांना

एमएच-४० डीएल-३२७३ क्रमांकाचा नागपूरकडून येणारा काळी गिट्टीने भरलेला ट्रक यांच्यात पळसगाव जाट नजिकच्या नाल्याजवळ समोरासमोर धडक झाली. दोन्ही वाहने धाडकन धडकताच प्रवाशांमध्ये एकच खळबळ माजली.धडक इतकी भीषण होती की बस आणि ट्रकचा समोरील भाग चक्काचूर झाला.अपघातात जीवितहानी झाली नसली तरीही अनेकजण अपघातात जखमी झाल्याने स्थानिकांना मोठी धावाधाव करावी लागली.अपघाताची माहिती मिळताच पोलिस प्रशासन,परिसरातील नागरिक आणि मदत पथकाने तातडीने बचावकार्य सुरू केले.सर्व जखमींना सिंदेवाही ग्रामीण रुग्णालयात दाखल करण्यात आले.तर ६ जखमींना पुढील उपचारासाठी चंद्रपूर येथे हलविण्यात आले.अपघातामुळे काही काळ महामार्गावरील वाहतूक ठप्प झाली होती.