दुचाकितून धूर निघताच घेतला पेट; दुचाकी जळून खाक..

उद्रेक न्युज वृत्त 

नवेगाव(गोंदिया) :- धावत्या मोटारसायकलने अचानक पेट घेतल्याने संपूर्ण मोटारसायकल जळून राख झाल्याची घटना काल,रविवारी २६ मे रोजी दुपारी एक वाजण्याच्या सुमारास गोंदिया तालुक्यातील नवेगाव येथील आश्रमशाळेजवळ घडली.सुदैवाने या घटनेत कुठलीही जीवित हानी झाली.मात्र, मोटारसायकल जळाल्याने आर्थिक नुकसान झाले. 

प्राप्त माहितीनुसार,महालगाव येथील रहिवासी संजय अटराहे हे आपल्या मोटारसायकलने रविवारी दुपारी महालगाव येथून गोंदियाला जात होते.नवेगाव येथील आश्रमशाळेसमोर त्यांच्या चालत्या मोटारसायकलमधून धूर निघण्यास सुरुवात झाली.त्यामुळे त्यांनी रस्त्याच्या कडेला मोटारसायकल उभी केली.दरम्यान,मोटारसायकलने पेट घेतला.यात काहीच वेळात संपूर्ण गाडी जळून खाक झाली.मोटारसायकल चालकाला धूर निघत असल्याचे लक्षात आल्याने दुचाकी थांबविल्यामुळे जीवित हानी टळली.