चनकाईनगरात तान्हा पोळा उत्साहात साजरा.. – भाजपा शहर महामंत्री निखिल चरडे व मान्यवरांच्या हस्ते बालगोपालांना वैयक्तिक बक्षीसांचे वितरण..

गडचिरोली :-शहरातील चनकाईनगर येथे एकता गणेश मंडळातर्फे आयोजित तान्हा पोळा दरवर्षी प्रमाणे यंदाही मोठ्या उत्साहात साजरा करण्यात आला.चनकाईनगर येथे काल शनिवारी सकाळच्या सुमारास तान्हा पोळा दिनाचे औचित्य साधून नंदिबैल सजवून बालगोपाल एकत्र गोळा झाले. चंद्रयान,शेतकरी आत्महत्या, भ्रष्टाचार, कचरा व्यवस्थापन,कालीमाता,वाढते अपघात या विषयावरील प्रतिकृतींनी महोत्सव मनमोहक ठरले. कार्यक्रमाची सुरूवात हर हर महादेव च्या गजरात पुजन करुन आरती करण्यात आली.नंदिबैलांचे निरिक्षण करुन प्रत्येक बालगोपालांना एकता गणेश मंडळाच्या मान्यवरांकडून बक्षीस वितरण करण्यात आले.यात प्रोत्साहनपर बैल सजावट, थिम, स्लोगन,ट्रॅफिक पोलिस,उत्कृष्ट वेशभूषा करणाऱ्या चिमुकल्यांना बक्षिसे प्रदान करण्यात आली.प्रथम क्रमांक पटकावणाऱ्या राजलक्ष्मी पतरंगे हिला गडचिरोली भाजपा शहर महामंत्री निखिल चरडे यांच्या हस्ते सायकलचे वितरण करण्यात आले.तर द्वितीय क्रमांक पटकावणाऱ्या स्वरांग आकेवार याला  विजय गोरडवार यांच्याही हस्ते सायकल देण्यात आली. तसेच तृतीय बक्षीस अन्ती कुंभारे,मोहित नवलाखे यांना प्रफुल आंबेडकर यांच्या हस्ते प्रोत्साहनपर सायकल,तर चतुर्थ बक्षीस संकेत भांडेकर यास भाजपा शहर महामंत्री सागर सोनटक्के यांच्या हस्ते सायकल देण्यात आली.प्रसंगी चनकाईनगर येथील आयोजक एकता गणेश मंडळाचे निखिल चरडे,विजय गोरडवार, प्रफुल आंबोरकर,सागर सोनटक्के,विजय कुनघाडकर, सदाशिव नैताम,आशिष सातपुते, शुभम,पून्नमवार,अजय भांडेकर,सागल तुपट सह आबालवृद्ध तथा शहरातील नागरीक मोठ्या संख्येने उपस्थित होते.